你好，我係 Christine 一個裸辭咗嘅 ENFP，我唔係會提前三個月做好Excel行程表的旅行人。我係會打開Google Map，睇睇附近有咩好食，然後就出發。 歡迎嚟到 Cercle Travel——一個為同樣懶、但又好想去盡世界的你而設的地方。
點解會有呢個Blog？
說來有點誤打誤撞。 大學畢業後，我陰差陽錯入咗一份旅遊記者嘅工作——而當時係疫情，全世界封關，旅遊記者連香港都出唔到。 估唔到等到開關，有得出trip，去Fam trip 拍Reels、試酒店、寫報導，去過嘅地方愈來愈多。做了3年，我原本世界只有日、韓、台、泰，直到我入咗一間旅行社工作，才發現我對這個世界嘅認識，只係冰山一角。而我，剛好27歲，在沒有包袱之下，可以說是「最佳裸辭」時機。作為一個喜歡分享嘅 ENFP，我想將自己走過嘅路，發現嘅寶藏，分享畀大家。Cercle Travel，就係呢個想法嘅起點。
我的旅行方式：
我係一個標準 City Girl。 比起爬山睇日落，我更鍾意在城市裡面漫無目的地行。食一碗好吃的麵、發現一間無人知的咖啡廳、喺街角遇到一個有趣的市集——呢啲先係我覺得旅行最有意思的時刻。 我唔太鍾意 Plan 行程。通常我只會確定幾個「必去打卡點」，其他時間就交畀 Google Map 決定，附近有咩，就去咩。
我有一條鐵則：非必要唔會早過10點出門。
放假係用嚟休息的。睡醒、慢慢食個早餐、再出發——呢個先係人生應有的節奏。（當然，如果係工作出trip就冇得揀啦）
近兩三年，行程會加插兩三日鄉郊。
城市待久了，覺得等車都好有壓逼感，自然會想逃離一下。去個小鎮、行行山路、睇睇風景、唔做任何事——原來呢種「冇嘢做」的感覺，係另一種旅行的奢侈。
最近，我開始想做一啲更特別的事。
今年三月，我去咗新疆可可托海滑雪。嚟緊都希望去到埃及紅海考潛水牌、去尼泊爾行山。食買玩固然開心，但能夠用身體真正去感受一個地方——係完全唔同層次嘅滿足感。
你可以係呢度搵到咩？
– 懶人行程 — 唔需要逐分鐘計、唔需要早起、只需要跟住行的旅遊路線
– 酒店評價 — 親身入住、真實評分、有好有壞都照講
– 目的地指南 — City Girl 視角，以食、行、感受為主
– 旅行小貼士 — 機票、行李、省錢、一個人去都得的實用資訊
想搵我？
如果你有任何問題、合作查詢，或者只係想話聲「我都係咁懶」—— 📩 歡迎透過Instagram DM：@cercle.et
Cercle Travel — 為香港懶人旅行者而設。